USD87.45EUR95.90RUB1.07
24.kg

Садыр Жапаров Владимир Путин менен Сочиде жолугат

09:34, 19 мая 2021, Бишкек - 24.kg

Президент Садыр Жапаров Орусиянын президенти Владимир Путин менен 24-майда Сочи шаарында жолугат. Бул тууралуу Путин 18-майда Орусиядагы элчилерге ишеним грамоталарын тапшырып жатканда айткан.

Маалыматка ылайык, жолугушууда Евразия экономикалык интеграциясы тууралуу сөз болот. Ошондой эле Жамааттык Коопсуздук Келишим Уюму (ЖККУ), Көз карандысыз мамлекеттердин шериктештиги (КМШ) жана Шанхай Кызматташтык Уюмунун (ШКУ) алкагында аймактык коопсуздукту камсыз кылуу маселеси көтөрүлөт.

10-майда Садыр Жапаров Путин менен телефондон сүйлөшкөн. Анын жыйынтыгында Жапаров ушул айдын этегинде Москвага иш сапар менен барары белгилүү болгон.

18-майда Садыр Жапаров аралыктан иштөө режимине өттү. Президенттин басма сөз кызматы президенттин бул кадамын алдыдагы эл аралык иш-чараларга байланыштуу деп түшүндүрдү.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18