USD87.45EUR95.90RUB1.07
24.kg

Тажикстанда селден алты киши каза болду

10:00, 12 мая 2021, Бишкек - 24.kg

11-майда Тажикстандын бир нече районундагы селден алты киши каза болду. Бул тууралуу өлкөнүн Өзгөчө кырдаалдар жана жарандык коргонуу комитети кабарлады.

Мекеменин маалыматына караганда, Куляб шаарында эки, Шамсиддин Шохин районунда үч жана Гиссар шаарында бир киши көз жумду.

«Каза болгондордун сөөктөрүн куткаруучулар жана жергиликтүү тургундар табышты. Бул акыркы сан эмес, курмандыктар дагы көбөйүшү мүмкүн», — деди комитеттин басма сөз катчысы Умеда Юсуфи.

11-майда нөшөр жаандан кийин Тажикстандын бир нече аймагында сел жүргөн. «Озоди» радиосунун маалыматына караганда, Куляб-Душанбе унаа жолун суу каптап, транспорт каражаттарынын кыймылы токтогон. Өзгөчө кырдаалдар жана жарандык коргонуу комитетинин Куляб аймактык башкармалыгынын өкүлү жаратылыш кырсыгынан кеминде 80 турак жай зыянга учураганын билдирди.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18