USD87.45EUR95.90RUB1.07
24.kg

Жалал-Абадда каналдан суу ашып, үйлөрдү каптады

10:09, 07 мая 2021, Бишкек - 24.kg

Жалал-Абад шаарында 7-майга караган түнү нөшөрлөп жааган жамгырдан кийин Сел-Арык каналынан суу ашып, бир катар турак үйлөрдү каптады. Бул тууралуу 6-майда Өзгөчө кырдаалдар министрлигинин басма сөз кызматы билдирди.

Билдирмеге караганда, шаар аймагындагы селдин кесепетинен кээ бир мекеме-ишканалардын, жеке турак үйлөрдүн короолорун жана жер төлөлөрүн суу каптаган.

"Жогорудагы сел кирген мекеме-ишканалардын, үйлөрдүн короолорундагы сууну сордуруу иштери жүрүүдө. Кээ бир жерлерде кайрадан суу каптабаш үчүн бөгөт коюлууда"— деп айтылат маалыматта.

Министрликтин Жалал-Абад шаары боюнча башкармалыгынын ыкчам тобу суу каптоонун кесепеттерин жоюу иштерин улантылууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18