USD87.45EUR95.90RUB1.07
24.kg

Эми премьер-министр Улукбек Марипов Ташкентке кетти

15:03, 25 марта 2021, Бишкек - 24.kg

Премьер-министр Улукбек Марипов Өзбекстанга эки күндүк жумушчу сапары менен келди. Бул тууралуу өкмөттүн маалымат кызматы билдирди.

Жумушчу сапардын алкагында Улукбек Марипов Кыргызстандын жана Өзбекстанстандын ортосундагы эки тараптуу кызматташтык боюнча Биргелешкен өкмөттөр аралык комиссиянын IX кеңешмесине катышат.

Мындан тышкары, премьер-министр Өзбекстан президенти Шавкат Мирзиеев менен жолугушат, ошондой эле Ташкент шаарында жайгашкан бир катар өнөр жай жана инновациялык ишканалардын иши менен таанышат.

Белгилей кетсек, 11-мартта Садыр Жапаров Ташкентке мамлекеттик сапар менен барды, андан кийин 22-мартта УКМКнын төрагасы Камчыбек Ташиев чек ара боюнча сүйлөшүүлөрдү жүргүздү. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18