USD87.45EUR95.90RUB1.07
24.kg

Лейлекте күйүүчү майга болгон тартыштыкты жөнгө салуу аракеттери көрүлүүдө

17:50, 01 марта 2021, Бишкек - 24.kg

Лейлек районунда күйүүчү майга болгон тартыштыкты жөнгө салуу аракеттери көрүлүүдө. Бул тууралуу өкмөтүнүн Баткен облусундагы ыйгарым укуктуу өкүлүнүн басма сөз кызматы билдирди.

Обладминистрация акыркы суткада бензинге тартыштык жаралгандыгын белгилейт.

«Ага Бишкек шаарынан күйүүчү майдын аз өлчөмдө келип жаткандыгы себеп болууда. Азыркы учурда Бишкек шаарынан Исфана жана Сүлүктү шаарына күйүүчү май келе жаткандыгын маалымдайбыз. Бүгүн 1-март саат 13:00гө Лейлек районунда 142миң 317л. 92 маркасындагы бензин, 6100л. 95 маркасындагы, 39миң 685л 80 маркасындагы бензиндин, 767миң 219 л солярканын запасы бар экени такталды», — деп айтылат маалыматта.

Райондогу 42 автозаправканын баарында солярка сатылып жатканы белгиленет.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18