USD87.45EUR95.90RUB1.07
24.kg

Каныбек Исаковдун ысмын ОшМУга ыйгаруу сунушталууда

12:52, 18 февраля 2021, Бишкек - 24.kg

Бүгүн, 18-февралда Ош шаардык кеңешинин кезектеги XXXVIII сессиясы өттү. Бул тууралуу Ош шаардык мэриясынын басма-сөз кызматы билдирет.

Маалыматка ылайык, жыйынга Ош шаарынын мэри Таалайбек Сарыбашов, шаардык кеңештин төрагасы Жапарбек Ормонов, шаардык кеңештин депутаттары жана мекеме ишканалардын жетекчилери катышууда.

Сессиянын күн тартибинде Ош шаарынын 2021-жылга бюджетинин жана 2022-2023- жылдарга божомолун, 2021-2023- жылдарга Ош шаарынын социалдык -экономикалык көрсөткүчтөрүнүн божомолун бекитүү жөнүндө маселе каралып, 2021-жылга Ош шаарынын жергиликтүү бюджети 1 миллиард 357 миллион 700 миң сом болуп бекитилди.

Мындан тышкары, Ош Мамлекеттик университетине мурдагы билим берүү министри Каныбек Исаковдун ысмын ыйгаруу сунушталды.

Эске салсак, 51 жаштагы Каныбек Исаков 2020-жылдын 12-ноябрында коронавирус жугузуп алгандан кийин пневмониядан кайтыш болгон.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18