USD87.45EUR95.90RUB1.07
24.kg

Статком: Январда экономикалык өсүү 7,6 пайызга төмөндөдү

17:15, 10 февраля 2021, Бишкек - 24.kg

2021-жылдын январь айында ички дүң продукт 33 миллиард сомдон ашып, 7,6 пайызга төмөндөдү. Бул тууралуу Улуттук статистикалык комитет билдирет.

Маалыматка караганда, «Кумтөр» кен казуу ишканаларын эсепке албаганда, 2021-жылдын январь айында ИДПнын көлөмү 30 миллиард сомго жакындап, 4,5 пайызга азайды.

Өнөр жай продукциясынын көлөмү 2021-жылдын январында 22 миллиард сомго жакындады жана өткөн жылдын январь айына салыштырмалуу 9,5 пайызга төмөндөдү.

Курулуш тармагы 22,5 пайызга жакын төмөндөдү, дүң жана чекене соода тармагында көрсөткүчтөр 12,0 пайызга түшсө, айыл чарбасы 0,9 пайызга өстү.

Керектөө баалар жана тарифтер баарынан да Нарын менен Баткен облустарында 1,5 пайызга жогору экени аныкталды.

2020-жылдын январь-декабрында республиканын ЕАЭБге мүчө-мамлекеттери менен өз ара соодасынын көлөмү 2,4 млрд АКШ долларын түзүп, 2019-жылдын январь-декабрына салыштырмалуу 12,5 пайызга азайган.

Мында экспорттук жөнөтүүлөр — 14,9 пайызга, импорттук келип түшүүлөр — 11,7 пайызга төмөндөдү. Республиканын ЕАЭБге мүчө-мамлекеттери менен өз ара соодасынын эң чоң үлүшү Россияга (64,9 пайызы) жана Казакстанга (33,1 пайызы) туура келди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18