USD87.45EUR95.90RUB1.07
24.kg

ИИМ бир жылда 172 уюшкан кылмыштуу топтун мүчөсүн кармаган

12:25, 27 января 2021, Бишкек - 24.kg

2020-жылдын 12 ай ичинде ички иштер органдарынын кызматкерлери тарабынан уюшкан кылмыштуу топтордун 172 мүчөсү ар кандай кылмыш фактылары боюнча кармалган жана кылмыш жообуна тартылууда. Бул тууралуу КР Ички иштер министрлигинин маалымат кызматы билдирди.

Кармалган уюшкан кылмыштуу топтун мүчөлөрү тарабынан жасалган кылмыштар: киши өлтүрүү — 3, денеге оор залал келтирүү — 6, адам уурдоо — 2, опузалап талап кылуу — 15, каракчылык — 7, тоноо — 2, алдамчылык — 28, бейбаштык — 25, уурулук — 14, мыйзамсыз курал сактоо — 10, баңгизаттарга байланыштуу — 3 жана башка 17 кылмышты жасашкан.

Ички иштер органдарынын кызматкерлери тарабынан 2020-жылдын 12 ай ичинде уюшкан кылмыштуу топтордун кармалган мүчөлөрүнүн ичинен 9у криминалдык чөйрөдө жогорку статусун алып жүргөндөр болгон.

ИИМдин Маалыматтык технологиялар башкы башкармалыгынын маалыматына ылайык, республика боюнча атайын автоматташтырылган маалымат базасында К. Көлбаев, А. Батукаев, А. Бокушев түптөгөн үч уюшкан кылмыштуу топтун жана ар кандай кылмыштуу топтордун мүчөлөрүнүн жалпы саны 1 миң 76 жаран ыкчам каттоого алынган.

ИИМдин уюшкан кылмыштуулукка каршы күрөшүү башкармалыгынын жана анын бөлүмдөрүнүн кызматкерлери тарабынан 403 жалпы мүнөздөгү кылмыштардын бети ачылган, алардын арасында 22 адам соттон жана тергөө амалдарынан качып жүргөндөр кармалган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18