USD87.45EUR95.90RUB1.07
24.kg

COVID-19. Февраль-март айында вирустун үчүнчү толкуну күтүлүүдө

14:21, 18 января 2021, Бишкек - 24.kg

Коронавирус инфекциясынын үчүнчү толкуну февраль-март айында күтүлүүдө. Бул тууралуу Саламаттыкты сактоо министри Алымкадыр Бейшеналиев «Марал» радиосуна берген маегинде билдирди.

Анын айтымында, азырынча вируска каршы эмдөөгө акча бөлүнө элек.

«Акча бөлүнсө, эки айдын ичинде эмдөө башталат. Орусиянын вакцинасын алууну пландап жатабыз. Биринчи болуп өзүм, үй-бүлөм эмдөөдөн өтөт. Андан соң дарыгерлер алышат», — дейт Алымкадыр Бейшеналиев.

Министрлик алгач 200 миң, андан соң 1 млн 200 миң доза вакцина алуу пландоодо. Сунушталган 8 вакцинанын ичинен «Pfizer» вакцинасын алуу үчүн 2 миллион доллар керек. Анткени вакциналар өтө төмөнкү температурада сакталат. Ал үчүн муздаткыч сатып алуу зарыл.

Алымкадыр Бейшеналиев коронавирустун үчүнчү толкунуна дарыгерлер даяр, 4-5 айга жете турган дары, жеке коргонуу каражаттар бар экенин белгилеп өттү.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18