USD87.45EUR95.90RUB1.07
24.kg

Ысык-Көлдүн облустук телеканалынын журналисти жанын кыйды

18:11, 12 января 2021, Бишкек - 24.kg

Ысык-Көлдүн Каракол шаарында облустук телеканалдын кызматкери асынып алды. Бул тууралуу 24.kg агенттигине анын кесиптеши Жаныбек Кожоев билдирди.

Айтымында, журналист 11-январда өмүрүнө кол салды.

«Бул суук кабар кесиптештери жана үй-бүлөсү үчүн күтүүсүз болду. Себебин али биле элекпиз. Үч баласы жетим калды», — деди Жаныбек Кожоев.

Ысык-Көл облусунун ИИБи берген маалыматка ылайык, окуя 12-январга караган түнү болжол менен саат 00:00 чамасында болгон. Каракол шаардык милициясына Тез жардам кызматынан билдирүү келип түшкөн. Анда 1991-жылы төрөлгөн кыздын Каракол шаарындагы үйүнүн сарайына асынып алгандыгы тууралуу айтылган.

Учурда аталган окуя боюнча соттук-медициналык экспертиза дайындалып, тиешелүү органдар териштирүү иштерин жүргүзүүдө.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18