USD87.45EUR95.90RUB1.07
24.kg

Өзбекстанда жол кырсыгынан министрдин орун басарынын жубайы жана кызы каза болду

15:57, 04 января 2021, Бишкек - 24.kg

Жаңы жыл түнү Өзбекстандын суу чарба министринин орун басары Вохижон Ахмаджоновдун башкаруусундагы Chevrolet Gentra үлгүсүндөгү унаа Камчик ашуусунда аварияга кабылып, жардан кулап кеткен. Аны ушундай эле үлгүдөгү башка бир унаа артынан сүзгөн.

Авариядан аткаминердин аялы жана үч жаштагы кызы каза болду. Министрдин орун басары ооруканага жеткирилди.

Жергиликтүү басылмалар билдиргендей, аткаминер Жаңы жылды ата-энеси менен тосуу үчүн үй-бүлөсү менен Ферганага бараткан.

Бул окуя боюнча 1-январда «Адам өлүмүнө алып келген жол кыймыл коопсуздугунун же транспорт каражатын колдонуунун эрежесин бузуу» беренеси боюнча кылмыш иши козголгон.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18