USD87.45EUR95.90RUB1.07
24.kg

Кыргызстанда Өзбекстан куруп берген дагы эки оорукана ачылды

10:11, 30 декабря 2020, Бишкек - 24.kg

29-декабрда Бишкек шаарында жана Чүй облусунда модулдук конструкциядагы эки жаңы оорукана ачылды. Бул тууралуу Саламаттык сактоо министрлигинин басма сөз кызматы билдирди.

Өзбекстандын каржылык колдоосу менен Бишкектеги Улуттук госпиталдын аймагына 176 орундуу, Чүй облустук ооруканасынын аймагына 24 орундуу оорукана бир айга жетпеген убакыттын ичинде курулуп, экөө тең медициналык жабдуулар жана эмеректер менен толук камсыздалган.

Буга чейин Өзбекстандын каржылык колдоосу менен Баткен облусунун Кадамжай районунда 200 бейтапка ылайыкташкан оорукана курулган.

Мындан тышкары коронавирус пандемиясы башталгандан бери Өзбекстан Кыргызстанга илдетке каршы күрөшүү үчүн бир нече жолу гуманитардык жардам жөнөткөн.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18