USD87.45EUR96.10RUB1.06
24.kg

Маданияттын эмгек сиңирген ишмери Кубандык Өмүров пневмониядан улам көз жумду

11:09, 24 июля 2020, Бишкек - 24.kg

Маданияттын эмгек сиңирген ишмери Кубандык Өмүров эки тараптуу пневмониядан улам көз жумду. Бул тууралуу Абдылас Малдыбаев атындагы Кыргыз улуттук академиялык опера жана балет театрынан билдиришди.

Кубандык Өмүров 1950-жылы туулган. 1977-жылы А.Чуйков атындагы Фрунзе сүрөт искусство мектебинде скульптор адистигин аяктаган.

1998-2001-жылдары Кыргызстан жаш көрүүчүлөр театрынын көркөм өнөр жана өндүрүш бөлүмүнүн башчысы, андан кийин Кыргыз опера жана балет театрында декоратор-сүрөтчү, башкы сүрөтчүнүн жардамчысы жана көркөм-коюу бөлүгүнүн башчысы болуп иштеген.

Кубандык Өмүров бир нече жылдар бою мамлекеттик деңгээлдеги негизги маданий иш-чараларга жана Кыргызстандын өкмөтү тарабынан уюштурулган коомдук-саясий иш-чараларды өткөрүүгө жигердүү катышкан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18