USD87.45EUR96.10RUB1.06
24.kg

Дарыгер Бектемир Мукамбетөмүров эки тараптуу пневмониядан улам көз жумду

11:28, 06 июля 2020, Бишкек - 24.kg

Эки тараптуу пневмониядан улам Кыргызстандагы тажрыйбалуу дарыгерлердин бири Бектемир Мукамбетөмүров дүйнө салды. Бул тууралуу анын кесиптештери билдиришти.

Бектемир Мукамбетөмүров-саламаттыкты сактоонун отличниги, эмгек сиңирген врач жана Түрк тилдүү өлкөлөрүнүн нейрохирургдарынын ассоциациясынын мүчөсү.

2003-жылдан баштап Саламаттыкты сактоо министрлигинин алдындагы Улуттук госпиталдын № 2 нейротравма бөлүмүн жетектеген. Нейрохирургдун эмгектери Жогорку Кеңештин, Саламаттык сактоо министрлигинин жана Бишкек шаарынын мэриясынын ардак грамоталары менен бааланган.

Бектемир Мукамбетөмүровдун артында эки кызы, үч уулу калды. Улуттук госпиталдын жалпы жамааты маркумдун туугандарына жана жакындарына терең кайгыруу менен көңүл айтат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18