USD87.45EUR96.10RUB1.06
24.kg

Казакстанда коронавирустан бир адам каза болду

08:24, 27 марта 2020, Бишкек - 24.kg

Казакстанда коронавирустан бир аял каза болду. Бул тууралуу 26-март күнү кечинде өлкөнүн маалымат жана коомдук өнүгүү министр Даурен Абаев билдирди.

Буга чейин Нур-Султанда төрт бейтаптын абалы туруктуу оор деп бааланып жатканы, бир адам жасалма дем алдыруу аппаратына туташтырылганы кабарланган.

Акыркы маалыматтар боюнча Казакстанда коронавирус жуктуруп алган адамдардын саны 113кө жетти.

28-марттан тартып өлкөнүн Алматы, Нур-Султан жана Чымкент шаарларында карантин чаралары күчөтүлөт. Аларга ылайык, шаар тургундарына азык-түлүк, дары-дармек алууга жана жумушка барып келүүгө гана үйлөрүнөн чыгууга уруксат берилет. Бардык сейилдөөчү жайлар, балдар аянтчалары жабылат. Мындан тышкары коомдук транспорттун жүрүшү чектелип, үч кишиден ашуун жолуугуга тыюу салынат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18