USD87.45EUR96.10RUB1.06
24.kg

Өзбек ашпозчулары Москвада эң чоң лагман жасашты

17:08, 18 февраля 2020, Бишкек - 24.kg

Москвада 13-16-февралда өткөн Эл аралык маданият фестивалында Өзбекстандан барган ашпозчулар дүйнөдөгү эң чоң лагманды жасашты. Анын салмагы 797 килограммды түздү.

Бул тууралуу Өзбекстандын Туризмди өнүктүрүү комитети билдирди. Билдирүүдө лагмандын узундугу бир нече чакырым экени белгиленген.

Буга чейин эң чоң лагман 2015-жылы Алматыда жасалып, «Интеррекорд» эл аралык рекорддорду каттоо агенттигинин тизмесине кирген. Анын салмагы 687 килограмм болгон.

Үчүнчү жолу өтүп жаткан Эл аралык маданият фестивалына Өзбекстан, Казакстан, Кыргызстан, Түркмөнстан, Грузия, Орусия, Татарстан, Азербайжан жана Дагестандын өнөрпоздору катышты.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18