USD87.45EUR96.10RUB1.06
24.kg

Өмүрбек Бабанов «Республика» партиясын каржылоону токтотту

09:35, 18 февраля 2020, Бишкек - 24.kg

Саясаттан кеткен Өмүрбек Бабанов «Республика» партиясын каржылоону токтотту. Бул тууралуу Жогорку Кеңештин депутаты, «Республика — Ата Жур» фракциясынын мүчөсү Кенжебек Бокоев «Азаттык» радиосуна билдирди.

Анын айтымында, партиянын экс-лидери Өмүрбек Бабанов саясаттан жана төрагалыктан кетип, партияны каржылоого да катышпай калган.

«Ушундан улам биз «шайлоого катышабыз» деп так айта албай турабыз. Себеби айрым партиялар курултайын өткөрүп, саясий кампанияларын баштап коюшту. Биз бир аз такалып турабыз. Биздин жаңы лидерибиз жаш, азыр сүйлөшүүлөрдү жүргүзүп жатат. 120 талапкерди тандап чыгуу өтө кыйын», — дейт ал.

Кенжебек Бокоевдин айтуусунда азырынча «Республика» шайлоого башка партиялар менен кошо баруу маселесин карай элек. Ал эми жергиликтүү шайлоодо партия Каракол шаардык кеңешине ат салышат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18