USD87.45EUR96.10RUB1.06
24.kg

Мурдагы тажик командири Дубайдан Душанбеге экстрадицияланды

10:15, 18 февраля 2020, Бишкек - 24.kg

Тажикстандын Ички иштер министрлиги (ИИМ) Бириккен Араб Эмирлигинен (БАЭ) жарандык согуш мезгилиндеги Элдик фронттун мурдагы талаа командири Худжа Каримов экстрадицияланганын ырастады.

Ал 2019-жылы июлда Дубайда кармалып, үч жумадан кийин белгиленген аймактан чыкпоо тууралуу тилкаттын негизинде бошотулган.

Тажик бийлигинин маалыматына ылайык, Каримов Тажикстанда бир катар кылмыштарга, анын ичинде адам өлтүрүү, кыйноо, батымтага алуу жана мыйзамсыз курал-жарак сактоо беренелери боюнча айыпталууда. Ал 1999-жылы өлкөдөн чыгып кетип, Малайзияда ишкерлик менен алектене баштаган. Ага чейин Тажикстандын Коргоо министрлигинин атайын тобунун жетекчи орун басары жана Футбол федерациясынын башчысы кызматтарында иштеген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18