USD87.45EUR96.10RUB1.06
24.kg

Жеңиш Разаковдун ордуна Акрам Мадумаров көрсөтүлдү

15:05, 12 февраля 2020, Бишкек - 24.kg

Жеңиш Разаковдун ордуна вице-премьер-министрликке өкмөттүн Баткен облусундагы өкүлү Акрам Мадумаров көрсөтүлдү.

Бүгүн анын талапкерлигин коалициялык көпчүлүк колдоду.

Белгилей кетсек, вице-премьер-министр укук коргоо органдарын жетектейт. Андан сырткары, ага чек ара маселеси толугу менен жүктөлөт.

Учурда Кыргызстан менен Тажикстан жер алмашуу боюнча маселелерди талкуулап жатат. Өкмөт Баткен облусундагы өкүлчүлүгү Тескей жана Арык-Асты участоктору Тажикстан тарапка өтөрүн кабарлаган. Коңшу тарап кайсы аймактарды Кыргызстанга сунуштаганы белгисиз.

Социалдык тармактын көпчүлүк колдонуучулары Акрам Мадумаровдун талапкерлигин сынга алышты.

Вице-премьер-министрликке Социалдык өнүгүү министри Улукбек Кочкоров, Коопсуздук кеңешинин катчысынын орун басары Өмүрбек Суваналиев жана Акыйкатчы Токон Мамытовдун талапкерлиги каралып жатканы кабарланган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18