USD87.45EUR96.10RUB1.06
24.kg

Кытайда коронавирустан каза болгондордун саны 636га жетти

13:20, 07 февраля 2020, Бишкек - 24.kg

Кытайда коронавирустан каза болгондордун саны 636га жетип, илдетти 31 миң 440 адам жуктуруп алды. Бул тууралуу окмуштуулар иштеп чыккан онлайн-картадан байкаса болот.

Буга чейин 28 миң адам ооруну жуктурса, 563ү көз жумган.

Ошондой эле коронавирусту жуктуруп алды деген күмөн менен 26,4 миң адам каттоого алынган. Ал эми 186 миңден ашыгы ооруган адамдар менен тыгыз байланышта болгондуктан дарыгерлердин көзөмөлүндө болууда.

Эскерте кетсек, 2019-жылдын декабрь айында Кытайдын Ухань шаарында жаңы вирустун пайда болгону белгилүү болгон. Адистер аны коронавирустун жаңы түрү «2019-nCoV» деп атаган. Кытайдан тышкары илдетти жуктуруп алгандар Гонконг, Макао, Тайван, Таиланд, Япония, Түштүк Корея, АКШ, Канада, Вьетнам, Сингапур, Непал, Франция, Австралия жана Малайзияда байкалган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18