USD87.45EUR96.10RUB1.06
24.kg

Өзбекстанда 25 жылдан ашык жашаган адамдарга жарандык берилет

09:09, 27 января 2020, Бишкек - 24.kg

Өзбекстандын президенти Шавкат Мирзиёев 1995-жылга чейин көчүп келип, ошондон бери өлкөдө жашап жаткан адамдарга жарандык берүүнү убадалады. Бул тууралуу мамлекет башчы  парламентте сүйлөп жатып билдирди.

Мирзиёевдин айтымында, бул Өзбекстанда жашап жаткан болжол менен 50 миң адамдын жарандык алуу маселесин чечет. Президент парламентти бул сунушту карап чыгып, 1-майга чейин тиешелүү мыйзам долбоорун даярдоого чакырды.

Мирзиёев ошондой эле ички миграция тармагындагы саясатты либералдаштыруу жана айыл тургундарынын Ташкентте иштөөсүнө тыюу салган союз мезгилинен бери сакталып келаткан системаны жоюу пландары жөнүндө айтты.

Жүз миңдеген өзбекстандыкты башка өлкөлөрдө жумуш издөөгө аргасыз кылган бул тажрыйбадан баш тартууга мезгил келди.

 

Шавкат Мирзиеев

Мындан тышкары Мирзиёев мамлекеттик түзүмдөрдүн ишмердүүлүгүнө көзөмөл жүргүзүү үчүн Коомдук палата түзүү ниетин билдирди.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18