USD87.45EUR96.10RUB1.06
24.kg

Казакстанда окуучу кызды зордуктаган адамга химиялык кастрация жасалат

16:35, 24 января 2020, Бишкек - 24.kg

Бүгүн Казакстандын Тараз шаарында сот мектеп окуучусун зордуктаган деп айыпталып жаткан жергиликтүү тургунду 25 жылга эркинен ажыратып, химиялык кастрациядан өтүүгө милдеттендирди.

Аты-жөнү айтылбаган 38 жаштагы тургун «Жашы жете элек кызга сексуалдык мүнөздөгү зомбулук көрсөтүү» жана «Жашы жете эле кызды зордуктоо» беренелери боюнча күнөөлүү деп табылды.

Өкүмгө ылайык, мындан тышкары соттолуучу жабырлануучу тарапка беш миллион теңге (13 миң долларга жакын) төлөп бериши керек. Азырынча өкүм мыйзамдуу күчүнө кире элек.

Таразда 12 жаштагы окуучу кыз мектептин короосундагы дааратканада зордукталганы өткөн жылы ноябрда кабарланган. Бул кылмышка шектүү катары 38 жаштагы адам кармалып, камакка алынган. Маалыматтарга караганда, ал мектептин аймагындагы видеокөзөмөл камерасына түшүп калган.

Казакстанда бачабаздарды химиялык кастрация кылуу тууралуу мыйзам 2018-жылы күчүнө кирген.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18