USD87.45EUR96.10RUB1.06
24.kg

Ошто жаңы төрөлгөн ымыркайды 5 миң долларга сатууга аракет кылган 2 аял кармалды

14:12, 24 января 2020, Бишкек - 24.kg

Ош облусунда жаңы төрөлгөн ымыркайды 5 миң долларга сатууга аракет кылган 2 аял кармалды. Бул маалыматты ОИИББдан тастыкташты. 

Билдирүүгө ылайык, Өзгөн районунда кармалган аялдардын бири 17-январда дени сак бала төрөгөн. 3 сутка өткөндөн кийин ал жакын тууганы экөө баланы сатып ала турган кардарларды издеп башташкан.

Ош ОИИББнын кызматкерлери шектүүлөр менен байланышып, сатып алуучунун ролун ойношкон. Алар алдын ала 1 миң 500 доллар берип, калган сумманы ымыркайды колго алгандан соң беребиз деп макулдашкан. 

Шектүү аялдар 21-январда кармалып, факт боюнча кылмыш иши козголду. Ош шаардык соту наристенин энесин үй камагына, ал эми жакын тууганын тергөө камагына кармоо тууралуу чечим чыгарды. Ымыркай азырынча балдар үйүндө, анын атасы ким экени белгисиз. 

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18