USD87.45EUR96.10RUB1.06
24.kg

Кыргызстан жемкорлукту кабылдоо индексинде 180 орундун ичинен 125-орунду ээледи

14:42, 23 января 2020, Бишкек - 24.kg

Кыргызстан 2019-жылы жемкорлукту кабылдоо индексинде 180 орундун ичинен 125-орунду ээледи. Бул тууралуу Transparency International эл аралык уюмунун жыл сайын чыгарган жыйынтыгында айтылат. 

Маалыматка караганда, Кыргызстан 100 баллдан 30 балл алып, Джибути, Украина жана Азербайжан менен катарлаш болду. 

Уюмдан билдиришкендей, орундар рейтингде башкы нерсе болуп эсептелбейт, анткени өлкөлөрдүн саны көбөйүп же азайып турушу мүмкүн. Мында эң башкы көрсөткүч - алган баллдын саны эске алынат.

2018-жылга салыштырганда Кыргызстандын орду бир аз өзгөргөн: ал бир баллга көбүрөөк топтоп, рейтингде позициясын өзгөрттү (132-орундан 126-орунга чейин).

Биринчи орунду Дания менен Жаңы Зеландия (87 балл), кийинки орунду Финляндия (86 балл), үчүнчү орунду Сингапур, Швеция жана Швейцария (85 балл) алды. 

30дан төмөнкү көрсөткүч, өкмөт жемкорлук менен күрөшүүнү күчөтүү керектигин түшүндүрөт.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18