USD87.45EUR96.10RUB1.06
24.kg

Балдар ооруканасындагы жаңжалга адилеттүү баа берүү үчүн комиссия түзүлдү

13:51, 22 января 2020, Бишкек - 24.kg

Саламаттык сактоо министрлиги № 3 балдар клиникалык ооруканасында дарыгер менен бейтаптын ортосунда болгон жаңжалга адилеттүү баа берүү үчүн комиссия түздү. Бул тууралуу министрликтен кабарлашты. 

Маалыматка караганда, комиссиянын курамына Саламаттык сактоо министрлигинин, медицина кызматкерлеринин профсоюз өкүлдөрү жана Кыргыз медицина ассоциациясынын өкулдөрү кирди.

«Министрлик медицина кызматкерлерине карата жасалган мыйзамсыз иш-аракеттерди айыптайт жана жарандардан медициналык кызмат алып жатканда, этикалык, укуктук нормаларды сактоону суранат», — деп айтылат маалыматта.

Эске салсак, Бишкектеги № 3 балдар клиникалык ооруканасында кайрадан жаңжал чыкты. Бейтап ангина менен ооруп жаткан баласын ооруканага жаткырбай койгон дарыгерге жулунуп, урушуп кирген. Окуянын видеосу соцтармакка жарыяланды.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18