USD87.45EUR96.10RUB1.06
24.kg

Салык кызматы былтыр белгиленген планды 100 пайызга аткарды

11:25, 16 января 2020, Бишкек - 24.kg

2019-жылы Мамлекеттик салык кызматы тарабынан 83 миллиард 989,5 миллион сом суммасында салыктар жана төлөмдөр чогултулду. Белгиленген план 100 пайызга аткарылды. Бул тууралуу аталган мекемеден билдиришти.

2018-жылга салыштырмалуу салыктардын түшүүсү 4 миллиард 405,6 миллион сомго көбөйгөн.

2019-жылы салыктын кээ бир түрлөрү боюнча план-болжол ашыгы менен аткарылган. Алсак, алтын өндүрүүчү компаниялардын кирешелерине салык 128,1 пайыз, бирдиктүү салык — 120,5 пайыз, жер салыгы — 111,3 пайыз, кыймылсыз мүлк салыгы — 107,5 пайыз, пайда салыгы — 106,4 пайыз, кыймылдуу мүлк салыгы — 104,4 пайыз, ыктыярдуу патенттин негизиндеги салык — 103,7 пайыз, милдеттүү патенттин негизиндеги салык — 103,3 пайыз, жер казынасын пайдалангандыгы үчүн салык — 103,2 пайыз, салыктык эмес келип түшүүлөр — 130,2 пайызга аткарылган.

2020-жылы Салык кызматы 93,7 миллиард сом суммасында салыкты чогултуу планы турат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18