USD87.45EUR96.10RUB1.06
24.kg

Аскер прокуратурасы Алмазбек Атамбаевге тиешеси жок мүлктөрдү камактан чыгарды

09:10, 09 января 2020, Бишкек - 24.kg

Аскер прокуратурасы мурунку президент Алмазбек Атамбаевге тиешеси жок мүлктөрдү камактан чыгарды. Бул тууралуу Башкы прокуратурадан билдиришти.

Маалыматка караганда, былтыр 9-13-август күндөрү ИИМдин тергөө башкармалыгы тарабынан кримтөбөл Азиз Батукаевдин мыйзамсыз бошотулушу боюнча ишти иликтөөнүн алкагында Алмазбек Атамбаевдин жана анын туугандарынын 135 даана кыймылсыз жана кыймылдуу мүлктөрү камакка алынган. 17-августта мүлктөрдү камакка алуу тууралуу материалдар Аскер прокуратурасына текшерүү үчүн өткөрүлүп берилген.

«Учурда мурунку президентке тиешеси болбогон мүлктөр камактан чыгарылды», — деп айтылат маалыматта.

Алмазбек Атамбаевге укук коргоо органдарына карата зомбулук көрсөтүү, адам өлтүрүү, барымтага алуу, массалык башаламандык уюштуруу, жемкорлук айыбы тагылууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18