USD87.45EUR96.10RUB1.06
24.kg

Муфтият дин өкүлдөрүн жаңы жыл майрамына каршы чыкпоого чакырды

09:06, 30 декабря 2019, Бишкек - 24.kg

Кыргызстан мусулмандарынын дин башкармалыгынын жаңы жыл майрамына байланыштуу фатвасы чыкты. Анда «Кыргызстандын мыйзамдарында белгиленген жана бекитилген расмий майрамдарга карата дин кызматкерлери тарабынан тескери үгүт иштери жүргүзүлбөсүн» деп айтылат.

Буйрукту аткаруу милдети Муфтияттын түзүмдөрүндөгү бардык диний кызматкерлерге жүктөлдү.

Дүйнө эли жыл сайын 1-январда белгилеген календардык жаңы жыл майрамы Борбор Азия мамлекеттеринин баарында советтик жана светтик майрам катары калыптанып калган.

Кыргызстандагы айрым дин өкүлдөрү маал-маалы менен жаңы жыл майрамына каршы чыгып, сындап келет. Бул социалдык тармактарда кызыл чеке талаш жараткан учурлар болгон.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18