USD87.45EUR96.10RUB1.06
24.kg

Оң рулдуу унааларды пайдалануу мөөнөтүн узартуу. Депутат түшүндүрмө берди

15:17, 25 декабря 2019, Бишкек - 24.kg

КСДП фракциясынын лидери Иса Өмүркулов оң рулдуу унааларды пайдалануу мөөнөтүн эмне үчүн узартуу керектиги тууралуу пикирин билдирди.

Анын айтымында, 4-5 жыл мурун өлкө аймагына оң рулдуу унааларды алып келүүгө тыюу салынган. Ал эми буга чейин алынып келинген оң рулдуу унааларды пайдалануу мөөнөтүн 2020-жылдын 1-июнуна чейин узартышкан. «Кыргызстанда оң рулдуу унаалар миңдеп саналат, алардын абалдары жакшы, мындан ары да пайдаланууга жарактуу. Аларды биздин жарандар сатып алышкан. Мындан улам биз дагы 5 жылга узартуу үчүн мыйзам долбоорун даярдап жатабыз. Жол кыймылынын коопсуздугун камсыздоо башкы башкармалыгы 1-январдан баштап жарандарды токтотуп, кыйнабасын деп эскертип коеюн дедим», — деди Иса Өмүркулов.

Эске салсак, Кыргызстанга оң рулдуу унааларды алып кирүүгө жана каттоого 2015-жылдын 3-июнунда тыюу салынган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18