USD87.45EUR96.10RUB1.06
24.kg

Нурбек Токтакунов анын дарегине карата коркутуулар боюнча милицияга кайрылды

17:12, 24 декабря 2019, Бишкек - 24.kg

Жактоочу Нурбек Токтакунов анын дарегине карата коркутуулар боюнча милицияга арыз жазып кайрылды. Бул тууралуу 24.kg агенттигине өзү билдирди.

Анын айтымында, арыз маалыматтарды каттоо журналына каттоого алынды. Бирок анын азырынча аталган факт боюнча сотко чейинки өндүрүш башталып башталбаганынан кабары жок. Жактоочу керектүү маалыматтардын баарын берүүгө даяр экенин кошумчалады. «Бул багытта баарлашуу болду», — деди ал.

Биринчи май РИИБдан 24.kg агенттигине билдиришкендей, арыз кабыл алынып, факт Кылмыштардын жана жоруктардын бирдиктүү реестрине катталды.

Жактоочунун айтымында, #REакция 2.0 митингинин алдында ага коркутуп телефон чалышкан. Эске салсак, #REакция 2.0 митинги сөз эркиндигин колдоо максатында өттү.

Нурбек Токтакунов буга чейин Башкы прокуратурага Райымбек Матраимовдун расмий кирешесинен ашып түшкөн ири байлыктары тууралуу фактылар боюнча арыз менен кайрылганын айткан.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18