USD87.45EUR96.10RUB1.06
24.kg

Орусияда аскердик тик учак жарылып, эки кишинин өмүрү кыйылды

15:26, 12 декабря 2019, Бишкек - 24.kg

12-декабрга караган түнү Орусиянын Краснодар аймагында Ми-28 согуштук тик учак кырсыкка учурап, эки учкуч каза болду. Бул тууралуу «Интерфакс» агенттиги өлкөнүн Коргоо министрлигине шилтеме кылып билдирди.

«База» жаңылыктар сайтынын маалыматына караганда, кырсыктан авиаполктун полковник наамындагы командири менен подполковник каза болгон.

ТАСС алар тажрыйбалуу учкучтар болгонун жазды. Кырсыкка туман себеп болушу мүмкүндүгү айтылууда. Тик учак учары менен дароо жарылып кеткен. Учурда кырсыктын себептерин аныктоо үчүн аскердик аэродромго атайын комиссия жөнөтүлдү.

Ми-28 — Орусиянын, Ирактын жана Алжирдин куралдуу күчтөрүнө кабыл алынган согуштук тик учак. Экипажы эки адамдан турат — учкуч жана штурман-оператор.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18