USD87.45EUR96.10RUB1.06
24.kg

Алмазбек Атамбаев психиатриялык экспертизадан өтүүдөн баш тартты

14:05, 10 декабря 2019, Бишкек - 24.kg

Алмазбек Атамбаев психиатралдык экспертизадан өтүүдөн баш тартты. Бул тууралуу 24.kg агенттигине КСДП партиясынын расмий өкүлү Кундуз Жолдубаева депутат Ирина Карамушкинага шилтеме берип билдирди. 

Анын айтымында, психиатрлар УКМКнын тергөө абагына келишкен. Бирок, мурунку президент дарыгерлердин суроолоруна жооп берүүдөн баш тартты. 

«Бүгүн экспертизадан Ирина Карамушкина менен Асел Кодуранова өтүштү. Алардын айтымында, текшерүү баарлашуу формасында болду. Жыйынтыгы 10 күндөн кийин чыгат", - деди Кундуз Жолдубаева. 

Эске салсак, 12-ноябрда оор жана өзгөчө оор беренелер боюнча шектелип жаткандыгы жөнүндө маалымдалгандыгына байланыштуу, Жазык-процесттик кодексинин 171-беренесинин (Экспертизаны дайындоонун негиздери) негизинде 16 шектүүгө карата, анын ичинде Алмазбек Атамбаевге дагы соттук-психиатриялык экспертизаларды дайындоо жөнүндө токтом чыгарылды.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18