USD87.45EUR96.10RUB1.06
24.kg

Жаңы жылдык балаты. Иш-чараны өткөрүүгө 1 миллион 881 миң сом коротулат

16:35, 09 декабря 2019, Бишкек - 24.kg

Билим берүү жана илим министрлиги президент Сооронбай Жээнбековдун катышуусунда Жаңы жылдык балаты-2020 иш-чарасын өткөрүү жана уюштуруу боюнча кызматка тендер өткөрдү. Бул тууралуу Мамлекеттик сатып алуулар порталы жазды.

Пландалган сумма- 1 миллион 881 миң 50 сом. Тендер 3-5-декабрь күндөрү өткөрүлдү.

Майрамдык иш-чара 24үнөн 27-декабрга чейин уюштурулат.

Жаңы жылдык балатыны уюштурууга 2 компания арыз берген. Жеңүүчү аталган компания Кыргыз улуттук филармониясынын 1-2-кабаттагы холлун, чоң концерттик залын жана балатыны жасалгалайт. Мындан тышкары балдар үчүн жаңы жылдык белектер- жумшак оюнчуктарды алып бериши керек. Ошондой эле сынактарды уюштуруп, балдар үчүн жаңы жылдык оюн-зоок программасын өткөрөт.

Мунун катарында 3D өлчөмүндөгү мультфильм көрсөтүү, сүрөтчүлөрдү жалдоо, автобустарды камдоо, буклет даярдоо сыяктуу тапшырмалар алардын мойнуна жүктөлөт.



БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18