USD87.45EUR96.10RUB1.06
24.kg

Кыргызстандык 2 жаш ырчы Молдовада өткөн сынак-фестивалда 1-орунду ээлешти

14:11, 04 декабря 2019, Бишкек - 24.kg
Элеонора КЫДЫРОВА

Кыргызстандык 2 жаш ырчы Молдовада өткөн «Кынтэ-Инима» аттуу эстрада ырчыларынын эл аралык сынак-фестивалында биринчи орунду ээлешти. Бул тууралуу жеңүүчүлөрдүн бири Рустам Русланов 24.kg агенттигине билдирди. 

Анын айтымында, ал 26 жаштан жогорку катышуучулар арасында биринчиликке ээ болду. Ал эми 26 жашка чейинкилер арасында Расул Асангазиев алдыңкы орунду камсыздады.

Сынакка ар кайсыл өлкөдөн келген 10дон ашуун ырчы катышкан. Кыргызстандыктар статуэтка, дилом жана акчалай сыйлыктар менен сыйланышты.

Эске салсак, Кыргызстандын Куралдуу күчтөрүнүн борбордук үйүнүн эстрадалык-фольклордук ансамблинин солисти Рустам Руслановдун бул алгачкы ийгилиги эмес. Ал 14-бүткүл орусиялык элдик чыгармачыл сынак-фестивалына «Виват, Жеңиш!» номинациясы боюнча катышып, 3-орунга ээ болгон. Анда Россия, Азербайжан, Армения, Беларус, Казакстандан келген ырчылар ат салышкан. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18