USD87.45EUR96.10RUB1.06
24.kg

Акаев: «Азаттыктын» иликтөөсүндө аталган ишкерлер резиденциянын ичине үй курган

15:22, 22 ноября 2019, Бишкек - 24.kg

«Азаттык», Kloop жана OCCRP жарыялаган иликтөөдө аты аталган чет элдик ишкерлер мамлекеттик резиденциянын ичине резиденция куруп беришкен. Бул тууралуу Жогорку Кеңештин депутаты Жанар Акаев билдирди.

Анын айтымында, иликтөөдө айтылган маалыматтар мында дагы терең. Айеркен Саймати менен бир топ саясатчылар жакындан кызматташып келген.

«Кыргызстандан чыккан акчалар Айеркен Саймати аркылуу Сирияга чейин жетип турган деген маалыматтар бар. Стамбулдагы башкы консул Сопоков Кыргызстанда бир нече ирет түрмөгө отуруп чыккан атактуу криминалдык төбөлдөрдүн биринин жакын досу», — дейт ал.

Жанар Акаевдин маалыматында, иликтөөдө аты аталган чет элдик ишкерлер буга чейин Кыргызстанды башкарган кишилердин атынан чоң мечиттин курулушун каржылаган.

«Алар жеке учагы менен учуруп, керек болсо резиденциянын ичине кошумча резиденция куруп бергени тууралуу маалыматтарды да иликтөө ачыкташы зарыл», — дейт депутат.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18