USD87.45EUR96.10RUB1.06
24.kg

Кыргызстанда туруксуз аба-ырайы күтүлөт

15:18, 18 ноября 2019, Бишкек - 24.kg

20-ноябрдан 24-ноябрга чейин туруксуз аба-ырайы күтүлөт. Бул тууралуу ӨКМ билдирди.

20-ноябрда эртең менен жана 21-24-ноябрларда мезгил-мезгили менен жаан, тоолуу райондордо кар жаашы, айрым жерлерде жаан-чачын катуу жаашы мүмкүн. Жолдор тайгак жана тоңголок болот. Батыштан соккон шамалдын ылдамдыгы 4-9 метрден, 20-21-ноябрларда кээ бир райондордо 15-20 метрге жетиши ыктымал.

21-27-ноябрларда абанын температурасы кескин төмөндөп Чүй, Талас өрөөндөрүндө түнкүсүн −6...-11°, күндүз −2...-7°, Ош, Жалал-Абад, Баткен өрөөндөрүндө түнкүсүн −5...-10°, күндүз 0...-5°, тоо этектериндеги райондордо түнкүсүн −8...-13°, күндүз −4...-9°, Ысык-Көл ойдуңунда түнкүсүн −7...-12°, күндүз 0...-5°, Ысык-Көл ойдуңунун чыгышында жана Нарын облусунун дыйканчылык аймактарында түнкүсүн −10...-15°, күндүз −1...-6°, тоолуу райондордо түнкүсүн −12...-17°, күндүз −5...-10°, бийик тоолуу райондордо түнкүсүн −20...-25°, күндүз −10...-15° суук болушу күтүлөт.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18