USD87.45EUR96.10RUB1.06
24.kg

Кыргызстандыктар Бишкектен Италия, Испания, Австрияга виза ала алышпайт

17:12, 13 ноября 2019, Бишкек - 24.kg

Германиянын Кыргызстандагы элчилиги 2020-жылдан баштап Испания, Италия жана Австриянын виза маселелери боюнча өкүлчүлүгү катары ишмердүүлүгүн токтоторун жарыялады.

Маалыматка ылайык, аталган жобо бардык сапарларга жана паспорттун бардык түрүнө (дипломатиялык жана кызматтык) тиешелүү.

Испания, Италия жана Австрия өлкөлөрүнө виза алыш үчүн кыргызстандыктар Казакстандын Нур-Султан шаарындагы виза борборлоруна же элчилигине кайрылышы керек. Ал эми 31-декабрга чейин берилген арыздар Бишкекте эле каралмакчы.

«Ошол эле маалда Германиянын Бишкектеги элчилиги өкүлчүлүк катары Белгия, Греция, Люксембург, Нидерланд, Норвегия, Португалия жана Швеция өлкөлөрүнө виза берүү иштерин уланта берет», — деп айтылат маалыматта.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18