USD87.45EUR96.10RUB1.06
24.kg

Москвада издөөдө жүргөн кыргызстандык жаран кармалды

17:04, 13 ноября 2019, Бишкек - 24.kg

Москвада кылмыш жасагандыгы үчүн издөөдө жүргөн кыргызстандык жаран кармалды. Бул тууралуу ИИМден билдиришти. 

Маалыматка караганда, аймактык ички иштер органдарынын кызматкерлери мамлекеттер аралык издөөдө жүргөн 1984-жылы туулган Б.К. аттуу жаранды кармашты. Нарын облусунун тургуну Б.К. алдамчылык боюнча шектелип Октябрь РИИБдин тергөө органдарынан изин жашырып качып жүргөн.

«Ал 2017-жылдын жазында чала тааныш адамдын ишенимине алдоо жолу менен кирип, «Хонда-Фит» үлгүсүндөгү автоунаасын ээлеп алган. Башында 90 күнгө автоунаасын ижарага алып, андан соң үчүнчү жакка сатып жиберип, белгисиз тарапка изин жашырып качып кеткен. Болжол менен жабырлануучуга 280 миң сом өлчөмүндө чыгым келтирген», — деп айтылат маалыматта.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18