USD87.45EUR96.10RUB1.06
24.kg

Борбор Азия мамлекет бачылары 27-ноябрда Ташкентте жолугушат

13:43, 13 ноября 2019, Бишкек - 24.kg

Борбор Азия өлкөлөрүнүн экинчи кеңешмеси 27-ноябрда Ташкентте өтөрү пландалууда. ТАСС агенттиги маалымдагандай, бул тууралуу Казакстандын биринчи президенти Нурсултан Назарбаев 12-ноябрда билдирген.

Назарбаев жолугушуу мурда белгиленгендей эле Ташкентте өтөрүнөн үмүт арткан.

Нурсултан Назарбаев Кыргызстан, Тажикстан жана Өзбекстан ортосунда чечилбеген маселелер бар экенин айткан. «Кагылышуулар болууда, кишилер өлүүдө», — деген ал.

2017-жылы Өзбекстан президенти Шавкат Мирзиёев БУУнун Башкы Ассамблеясынын 72-сессиясында Борбор Азия мамлекеттеринин башчыларынын бейформал жолугушуусун өткөрүүнү демилгелеген.

Борбор Азия мамлекеттеринин башчыларынын биринчи кеңешмеси 2018-жылы мартта Казакстанда өткөн. Быйыл июлда Өзбекстан ТИМи экинчи жолугушуу күзүндө Ташкентте болорун кабарлаган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18