USD87.45EUR96.10RUB1.06
24.kg

Депутат: Окуучулар короодогу ажатканаларга барбашы керек

14:29, 12 ноября 2019, Бишкек - 24.kg

Бишкектин окуучулары сырттагы ажаткананы пайдаланып жатышат. Бул тууралуу Бишкек шаардык кеңешинин туруктуу комиссиясынын отурумунда депутат Сайдахмат Исмаилов билдирди.

Вице-мэр Татьяна Кузнецова билдиргендей, бул жылы 16 мектептин короосундагы жана ички ажатканалары капиталдык ремонттон өттү. Ага 23,4 миллион сом короду. Кийинки жылы дагы 24 жалпы билим берүү мекемелериндеги ажатканалар оңдолот.

Депутат мындай жоопко нааразы болду. Ал БШК 2018-жылдан бери мэрияга сырткы ажатканалары бар баардык мектептердин тизмесин түзүү тууралуу тапшырма бергенин эскертти.

«Биз мындай объекттерди башкы тизмеге киргизгиле дегенбиз, көрсө баары кирбептир да. Бул акыркы тизмеби же кийинки жылы дагы башкалары ортого чыгабы? Депутаттар маселени так коюшкан. Борбор шаар, 21-кылым, биздин балдар короодогу ажатканаларга барбашы керек. Биздин бюджет анча чоң эмес, бирок оңдоо иштерин жактырганбыз», — деди депутат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18