USD87.45EUR96.10RUB1.06
24.kg

Президент чек араны тактоо иштерин тездетүүнү убадалады

11:35, 12 ноября 2019, Бишкек - 24.kg

Президент Сооронбай Жээнбеков чек араны тактоо иштерин тездетүүнү убадалады. Бул тууралуу өлкө башчы бүгүн 12-ноябрда, Бишкектеги Ала-Арча мамлекеттик резиденциясында өтүп жаткан Тышкы иштер министрлигинин 75 жылдыгына карата уюштурулган иш-чарада айтты.

Өлкө башчысы чек ара региондогу эң курч маселе экенин белгиледи.

«Чек арадагы туруктуулукту сактоо — чектеш мамлекеттердин ортосундагы кызматташууну тереңдетүүгө жагымдуу шарт түзөт. Коңшу мамлекеттер менен болгон чек араларды тактоо жана аларды юридикалык жол-жоболоштуруу процессин тездетүүгө умтулабыз», — деди ал.

Белгилей кетсек, Кыргызстандын Өзбекстан жана Тажикстан менен такталбаган чек ара аймактары бар. Ал жерлерде такай чыр-чатактар, куралдуу кагылышуулар чыгып турат. Акыркы жолу, сентябрь айында Максат айылында кагылышуу болуп, бир кыргыз аскери, үч тажик аскери каза тапты.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18