USD87.45EUR96.10RUB1.06
24.kg

Чет өлкөгө жумушка орноштуруу боюнча мыйзамсыз ишкердик аныкталды

10:42, 12 ноября 2019, Бишкек - 24.kg

Бишкекте чет өлкөгө жумушка орноштуруу боюнча мыйзамсыз ишкердик аныкталды. Бул тууралуу 24.kg агенттигине Экономикалык кылмыштуулукка каршы күрөшүү боюнча кызматтан билдиришти.

Маалыматка караганда, кыргызстандык жаран Чехияда фирманын мыйзамсыз ишмердүүлүгүнүн айынан документсиз жана медициналык камсыздандыруусуз калган. Ал Pro Style ЖЧКга Европа өлкөлөрүнө ишке орноштуруу боюнча кызмат көрсөткөндүгү үчүн 1 миң доллар төлөгөн. Арыз ээси Чехияга келгенде аны иш оруну менен камсыздап, керектүү документтерди бериши керек болчу. Бирок, Европага келгенде ал баарынан кур жалак калган.

«Pro Style ЖЧК Миграция кызматынын маалыматтык-кеңеш берүү борборунун мыйзамдуу жөнөтүүчүлөр реестринде катталбаганы аныкталды. Компания Кыргызстандык жарандарды чет өлкөгө ишке орноштуруу укугуна уруксат алган эмес», — деп айтылат маалыматта.

Факт боюнча сотко чейинки өндүрүш жүрүп жатат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18