USD87.45EUR96.10RUB1.06
24.kg

Автобустун багажына жашынып. Орусиядан Кыргызстанга келе жаткандар кармалды

15:11, 28 октября 2019, Бишкек - 24.kg

Краснодарск аймагында Орусиянын мамлекеттик автоинспекциясы багажында документи жок жарандарды ташып бара жаткан"Мерседес" үлгүсүндөгү кичи автобусту токтотушту. Бул тууралуу Орусиянын ЖМКсы жазды.

Маалыматка караганда, унаанын ичинде айдоочу жана 3 жүргүнчү болгон. Алар Якутиядан Кыргызстанга келе жатышкан. Багаждан документи жок 3 жаранды табышты.

Билдирүүгө таянсак, кармалган жарандар Орусиянын аймагында миграциялык мыйзамды бузуп жүрүшкөн. Аларды полиция бөлүмүнө алып келип, административдик протокол түзүштү.

Унаанын айдоочусу дагы тахограф жана камсыздандыруусуз жүргөнү үчүн жазаланат. Мындан тышкары унаанын ичиндеги 3 жүргүнчү коопсуздук курларын тагынышкан эмес, ошондуктан айдоочуга кошумча айып салынмакчы.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18