USD87.45EUR96.10RUB1.06
24.kg

Салык кызматынын 37 кызматкери жазаланды

17:18, 18 октября 2019, Бишкек - 24.kg

Салык кызматы ушул жылдын 9 айында жарандардын кайрылууларынын жыйынтыгы боюнча ведомствонун 37 кызматкерин жазалады.

Жалпысынан ушул мезгилде Салык кызматына салык төлөөчүлөрдөн 130 кайрылуу жана даттануулар келип түшкөн.

Алардын ичинен жазуу жүзүндө — 50 билдирүү, электрондук почта боюнча — 36, «ишеним телефонуна» — 41 жана ММК аркылуу — 3.

Келип түшкөн арыздардын 103ү — салык органдарынын кызматкерлеринин укукка сыйбаган аракеттерине тийиштүү болсо, 27си — ишкерлердин салык мыйзамдарынын ченемдерин сактабагандыгы жөнүндө маалыматта болгон.

Кабыл алынган тийиштүү чаралардын натыйжасында бир катар кызматкерлер жазанын ар кандай түрлөрүн алышты, анын ичинде 4 кызматкер кызматтан бошотулса, 8ине — катуу сөгүш, 11ине— сөгүш, 8ине — эскертүү жарыяланып, 6 кызматкерге катуу эскертүү берилди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18