USD87.45EUR96.10RUB1.06
24.kg

Казакстанда Сириядан кайтарылган 14 жаран терроризмге шектелүүдө

09:03, 18 октября 2019, Бишкек - 24.kg

Казакстандын Улуттук коопсуздук комитети Сириядан кайтарылган 14 жарандын ишин тергеп бүткөнүн билдирди. Алар терроризмге байланыштуу шектелүүдө.

Тергөөчүлөр шектүүлөр Сирияда жүргөн кезде «Ислам мамлекети» экстремисттик уюмунун бир бөлүгүндө кызмат өтөшчү деп эсептешет. Комитет 17-октябрда жасаган билдирүүдө аларга террордук ишмердикке катышуу, адамдарды жалдоо жана терроризмди пропагандалоо, «башка дагы оор кылмыштар» боюнча айып коюлганы айтылат. Алардын жынысы, аты-жөнү же жаш курагы аталган жок. Иш сотко өткөрүлүп берилди.

Комитет белгилегендей, буга чейин Сириядан кайтып келген дагы 10 эркек жана беш аял Казакстанда тыюу салынган «Ислам мамлекети» экстремисттик уюмунун ишмердигине катышуу фактысы боюнча түрмөгө кесилген.

Казакстандын Улуттук коопсуздук комитети"Жусан" операциясынын алкагында Сириядан 595 казак жараны, анын ичинде 400 бала алынып келгенин билдирген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18