USD87.45EUR96.10RUB1.06
24.kg

Оштун тургуну 5 айлык наристесин мейманкананын кире беришине таштап кеткен

13:54, 17 октября 2019, Бишкек - 24.kg

Ошто бир аял 5 айлык наристесин мейманкананын кире беришине таштап кеткен. Ал мындай кадамга чогуу жашаган кишисин коркутуу үчүн барган. Бул тууралуу 24.kg агенттигине ШИИББдан билдиришти.

Маалыматка караганда, ташталган ымыркай тууралуу маалымат 15-октябрда түнкү саат 11лер чамасында келип түшкөн.

«Наристе ушул жылдын майында төрөлгөнү аныкталды. Анын апасы- Өзгөн районунун 33 жаштагы тургуну, ал эми атасы 25те. Аял эркек баланы жарандык никеден төрөгөндүгүн билдирди. Ал эми анын жарандык никедеги жолдошу баладан баш тарткан. Аны коркутуп коюу үчүн аял баласын мейманкананын кире беришине таштап койгон. Өзү 30-40 метр аралыктан байкоо салып турган. Качан гана тез жардам унаасы келгенде ал чуркап барып, наристе аныкы экенин айткан», -деп билдиришти ШИИББдан.

Факт Кылмыштардын жана жоруктардын бирдиктүү реестрине катталды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18