USD87.45EUR96.10RUB1.06
24.kg

Түркмөнстанда сарык оорусу күч алды

09:04, 16 октября 2019, Бишкек - 24.kg

Түркмөнстанда август айынан бери эл арасында сарык оорусу күч алды. «Азаттыктын» түркмөн кызматы кабарлагандай, илдет Дашогуз, Лебап, Ахал облустарында жайылууда.

«Дашогуз облусунда гепатиттин А түрү менен өспүрүмдөр менен жаш балдар ооруп жатат. Чоңдор арасында аз. Акыркы жолу мындай көрсөткүч үч жыл мурун катталган», — деди редакциянын кабарчысы.

Атын атагысы келбеген медицина кызматкеринин биринин айтымында, сарыктан өлгөндөр да бар. Бирок эпидемия тууралуу сөз кылууга бийлик тыюу салган.

Бул арада сарык оорусу катталган мектеп, бала бакчалар дезинфекцияланбай жатканы айтылууда. Окуучулар үчүн гепатиттин Б түрүнө каршы эмдөө эки жыл мурун жүргөн.

Медицина кызматкерлери эл арасында оорунун алдын алуу боюнча түшүндүрүү иштери жүргүзүлбөгөнүнө кабатыр. Өлкө бийлиги жана мамлекеттик басылмалар бул боюнча үн ката элек.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18