USD87.45EUR96.10RUB1.06
24.kg

Азербайжандын президенти Ильхам Алиев 2020-жылы Кыргызстанга келет

08:57, 15 октября 2019, Бишкек - 24.kg

Азербайжандын президенти Ильхам Алиев 2020-жылы Кыргызстанга расмий визит менен келет. Бул тууралуу президент Сооронбай Жээнбеков кечээ Баку шаарында Түрк тилдүү мамлекеттердин кызматташуу кеңешинин Жетинчи жыйынына катышуунун алкагында Азербайжан Республикасынын президенти Ильхам Алиев менен жолугушканда маалым болду.

Жолугушууда эки тараптуу кызматташуунун келечеги, анын ичинде өлкөлөр ортосундагы соода-экономикалык жана маданий-гуманитардык байланыштарды бекемдөө маселелери талкууланды.

Ильхам Алиев Кыргызстан Азербайжанга боордош өлкө, дос жана өнөктөш экенин өзгөчө баса белгиледи. Өлкөлөр ортосундагы байланыштар жылдан жылга бекемдей берерине ишенимин билдирди. Ал төрагалык кылууну кабыл алып жатып, кийинки жылы Уюмдун ортосундагы өлкөлөрдүн шериктештиги жана өз ара колдоосун бекемдөө жана кызматташтыктын реалдуу мазмунунун толтурулушуна бардык аракеттерди көрөрүн белгиледи.

Сооронбай Жээнбеков Ильхам Алиевди Кыргызстанга расмий визит менен келүүгө чакырды. Кесиптеши чакыруу үчүн ыраазычылык билдирип, 2020-жылдын экинчи жарымында Бишкекке расмий визит менен келүүнү пландап жатканын белгиледи.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18