USD87.45EUR96.10RUB1.06
24.kg

Тажикстанда окуучу кызды өпкөн лицей мугалими 17,5 жылга соттолду

08:47, 15 октября 2019, Бишкек - 24.kg

Тажикстанда Хатлон облусунун Яван райондук соту «Нурбахш» лицейинин 58 жаштагы мугалими Мирзохон Алиевди 17,5 жылга эркинен ажыратты. Сот аны 12 жаштагы окуучу кызга жыныстык ыдык көрсөткөн деп тапты.

Алиевдин туугандары бул айып негизсиз экенин, ал шахмат боюнча мелдеште жеңген окуучусун кубанып чын пейилинен өөп койгону үчүн жазага тартылып жатканын билдиришүүдө.

14-октябрдагы сотто бул иште жабырлануучу катары эрезеге жете элек кыз өтүп жаткандыктан, маалымат каражаттарына иштин чоо-жайы айтылбай турганы белгиленди.

Соттолгон мугалимдин балдарынын айтымында, атасы тергөө маалындагы ур-токмоктон улам күнөөсүн мойнуна алууга мажбур болгон.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18