USD87.45EUR96.10RUB1.06
24.kg

Алмазбек Атамбаевдин тарапташы Амантур Жамгырчиев камакта калтырылды

12:21, 14 октября 2019, Бишкек - 24.kg

Бишкек шаардык соту мурунку президент Алмазбек Атамбаевдин тарапташы Амантур Жамгырчиевди камакта калтырды. Бул тууралуу 24.kg агенттигине анын жактоочусу Бактыбек Жумашев билдирди.

Жактоочу Биринчи Май райондук соту менен Бишкек шаардык сотунун чечимин мыйзамсыз деп эсептейт.

«№ 1 тергөө абагына камалгандан бери Амантур Жамгырчиевге карата бир дагы тергөө аракеттери көрүлгөн эмес. Ага кылмыш кылган деп айып тагылса, анда аны камакта калтыруу негиздүү болмок. Бирок, аны эч ким айыптаган жок», -дейт жактоочу.

Эске салсак, мурунку президенттин тарапташтары Амантур Жамгырчиевге, Марат Шаменовго, Алга Кылычевге, Кыяз Смаиловго, президенттик аппараттын мурунку жетекчиси Фарид Ниязовго жана башкаларга «Массалык башаламандык», «Адам өлтүрүү», «Барымтага алуу» беренелери боюнча айыптар тагылган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18